பட்டதாரி ஆசிரியர்கள் கவுன்சிலிங் அறிவிப்பு எப்போது? 

பணி மாறுதல் கவுன்சிலிங் அறிவிப்பை விரைவில் வெளியிட வேண்டும் என பட்டதாரி ஆசிரியர்கள் எதிர்பார்க்கின்றனர். கடந்த ஆண்டுகளில் அரசு தொடக்க, உயர்நிலை மற்றும் மேல்நிலைப் பள்ளிகளில் ஆசிரியர் இடமாறுதல் கவுன்சிலிங் மே மாதம் நடந்தது. இக்கல்வியாண்டில், பள்ளிகள் துவங்கிய நிலையில், கவுன்சிலிங் தேதி அறிவிப்பதில் தாமதம் ஏற்பட்டுள்ளது. முதற்கட்டமாக முதுகலை பட்டதாரி ஆசிரியர்கள், உயர்நிலை மற்றும் மேல்நிலைப் பள்ளிகளின் தலைமை ஆசிரியர்களுக்கான கவுன்சிலிங்கிற்கு விண்ணப்பிக்க தேதி அறிவிக்கப்பட்டுள்ளது. மாறுதல் கேட்பவர்கள் பள்ளி தலைமை ஆசிரியர்கள் மூலம் ஜூன் 9ம் தேதிக்குள், முதன்மைக் கல்வி அலுவலரிடம் விண்ணப்பிக்க ஆலோசனை தரப்பட்டுள்ளது. அதே சமயம் அதிக எண்ணிக்கையில் உள்ள பட்டதாரி ஆசிரியர்களுக்கு கவுன்சிலிங் குறித்த அறிவிப்பு வெளியாகவில்லை. வழக்கமாக அனைத்து நிலை ஆசிரியர்களுக்கும் ஒரே நேரத்தில் கவுன்சிலிங் அறிவிப்பு வெளியாகும் என்பது குறிப்பிடத்தக்கது.